Convocatoria pa la selección de proyectos espositivos d’artes visuales n’Asturies

18/03/2023.- La Sociedá Pública de Xestión y Promoción Turística y Cultural del Principáu d’Asturies promueve una convocatoria pa la selección de proyectos espositivos d’artes visuales, y l’adquisición de los sos derechos d’esplotación, que se van desenvolver en diferentes espacios culturales asitiaos en distintos conceyos del Principáu d’Asturies.

L’oxetu d’esta convocatoria ye la selección de proyectos espositivos inéditos y actividaes complementaries, de cualquier disciplina artística dientro de les artes visuales, pa la ellaboración d’un catálogu que valga de pegollu pa la posterior programación d’esposiciones en distintes sales o espacios culturales allugaos en distintos conceyos del Principáu d’Asturies. Con esta iniciativa quier complementase les programaciones habituales de los Conceyos cola contratación de delles esposiciones que se van poner a disposición de los consistorios.

La solicitú, xunto a la documentación que se pide, ha presentase al traviés del rexistru creáu pa eso accesible al traviés de la URL http://panel.asturiesculturaenrede.es a partir del llunes 18 de marzu del 2024 a les 09:00 h.

Si ye que nun ta yá, el solicitante tien que se rexistrar como usuariu nuevu, y en validándolu (plazu máximu de 24 hores) va poder presentar la documentación.

La hora y fecha tope pa presentar solicitúes van ser les 12:00 hores del día 16 de mayu del 2024.

Descargar les bases de la convocatoria equí.

Descargar los anexos de la convocatoria equí.

Descargar el comité de valoración equí.